 |
 |
 |
|
 |
|
|
|
Mae bwthyn hanesyddol TANYCASTELL wedi ei leoli ar odre Moel Siabod yng nghalon Parc Cenedlaethol Eryri, ar gyrion pentref Dolwyddelan (4 milltir o Betws y Coed – prif ganolfan cerdded Gogledd Cymru). Yn adeilad gradd II cofrestredig, TANYCASTELL oedd man geni John Jones, Talysarn; un o weinidogion Methodistaidd Calfinaidd amlycaf Cymru (1796-1857). Mae cofeb marmor er coffadwriaeth iddo wedi ei lleoli ar y ffordd breifat sy’n arwain at y tŷ. Ar ochr arall y ffordd fawr (A470) mae castell hanesyddol Llywelyn Fawr, a adeiladwyd rhwng 1210-1240. Dyma un o’r ychydig gestyll Cymreig sy’n goroesi ac sy’n agored rhwng 9am - 6pm pob dydd. Mae TANYCASTELL yn lecyn gwirioneddol ddelfrydol ar gyfer seibiant byr neu hir mewn lleoliad gwledig trawiadol. Yma medrwch ymgolli ymhob math o weithgareddau o gerdded bryniau i fynyddoedd, dringo, beicio mynydd, pysgota, canŵio, gwylio adar neu ymlacio’n llwyr a gwerthfawrogi bywyd gwledig hamddenol Cymru. Mae digonedd o draethau, llynnoedd, afonydd, bryniau a mynyddoedd gerllaw a medrwch gerdded i gopa Moel Siabod o TANYCASTELL! Fel arall gallwch ymweld â nifer o atyniadau ymwelwyr sydd o fewn tafliad carreg neu werthfawrogi bywyd pentrefi bychain a threfi marchnad. O gwmpas TANYCASTELL mae’n bosibl y gwelwch lwynogod, moch daear, llygod dŵr, boncathod a chrëyr glas ac wrth iddi nosi ystlumod a thylluanod. Ar ein safle gwe gallwch ganfod mwy am y canlynol:
|
© Tanycastell, 2007 |
 Tanycastell Bwthyn Gradd II Cofrestredig ~ Tanycastell, Dolwyddelan, Conwy, Gogledd Cymrusymudol: 07989 393 445 |
 |
)